Hoffem gynnig gwasanaeth o’r radd flaenaf i chwi, gan fod yn barod bob amser i gynghori ac i ateb eich cwestiynau a’ch pryderon, ac hefyd wrth gwrs, i osod eich stôf.Yn ystod y blynyddoedd diwethaf, gwelsom gynnydd syfrdannol ym mhrisiau tanwydd megis nwy ac olew. Clywsom hefyd am neges a phwyslais gynyddol y llywodraeth ar i ni ddefnyddio tanwydd carbon niwtral, sef coed,  i gynhesu ein tai. Mae’r tanwydd hwn yn creu llawer llai o niwed i’n hamgylchfyd. Oherwydd hyn, gwelsom fod gwir angen hybu stôfs fydd yn garedicach tuag at boced y cwsmer, ac yn llawer iachach i’r amgylchedd.

Wrth ystyried yr holl ffactorau hyn, rydym wedi mynd ati i ddewis y stôfs o’r ansawdd gorau, fydd yn apelio at y cartrefi traddodiadol yn ogystal â’r cartrefi modern. Wedi’r cwbl, calon pob aelwyd yw’r lle tân, boed hynny’n lle tân agored, neu’n stôf sy’n llosgi tanwydd rhatach sy’n llesol, ac nid yn niweidiol i’n amgylchedd..